Strada Vigentina
|
Quest articol chì l'è scrivud in lombard, con la Noeuva Ortografia Lombarda |
La strada Vigentina a l'è 'na strada che la conliga Overa a Pavia, longa 20 km e classifegada in la cità metropolitana de Milan 'me strada provincial 28 e in la provincia de Pavia 'me strada provincial 205.
| Strada Vigentina | |
|---|---|
 | |
| Localizazion | |
| Stat |  |
| Rejon |  Lombardia |
| Province |   |
| Dats | |
| Classifegazion | strada provincial |
| Principi | Overa |
| Fin | Pavia |
| Lungeza | 20 km |
| Percors | |
| Localitaa servide | Milan, Pavia |
Storia
ModifegaLa strada la conliga Milan a Pavia e l'ha cambiad el so percors pussee de 'na voeulta: per esempi la trata in tra Milan e Overa l'è deventada poeu la trata inizzial de la SS 412 de la Vall Tidon, menter a La Piev a gh'è 'na variant che la evita el center abitad, per poeu rivà a 'n innest con la Binasca che 'l evitava el passagg a nivell, che incoeu el ghè pu, de la ferrovia Milan-Genoa. A Sizzian, infin, a gh'è 'n oltra variànt che la evita la cità.
Percors
Modifega
La strada la scomincia in Via Diaz a Overa e, dopo havé passad la zona industrial, la passa per un tochell in del comun de Locaa e chinsci, la passa el Lambret per rivà a La Piev, per poeu finì la trata milanesa cont el rondò con la Binasca a Villamagior.
La trata pavesa la scomincia del rondò con la Binasca a Sizzian e la passa poeu per Vidigulf, Bornasch, Zecon e San Gines, per poeu fornì al rondò con la Tangenzial Nord de Pavia.
De chì, la va inanz 'me strada urbana de competenza del comun de Pavia cont el nom de via Vigentina.
A l'è ben tegnì a ment che el chilometragg de la trata milanesa a l'è cuntad de Overa vers sud, menter quell de la trata paves el va de Pavia a nord.
Diramazzion
ModifegaA gh'è 'na diramazzion, ciamada 28 dir, che la conliga el principi de la Vigentina a la SS 412, longa 1,2 km.