Treno Servizi Regional
| Treno Servizio Regionale | |
|---|---|
| Eletrotreno | |
 TSR in livrea Trenord | |
| Agn de projetazion | 2004-2006 |
| Agn de costruzion | 2006- |
| Agn de esercizi | 2007- |
| Quantitaa produxida | 80 + 24 in costruzion |
| Costruidor | AnsaldoBreda, Keller, Firema |
| Diameter rœde motrix | 920 mm |
| Velocitaa massema omologada | 140 km/h |
| Alimentazion | 3 kV CC |
| Motris senza gabina | |
| Lungeza | 26 025 mm |
| Capacitaa | 122 a settà |
| Quota del pian del pestar | 365 mm |
| Scartament | 1 435 mm |
| Massa in servizi | 68 t |
| Massa a vœd | 52 t |
| Motris con gabina | |
| Lungeza | 26 460 mm |
| Capacitaa | 96 a settà |
| Quota del pian del pestar | 365 mm |
| Scartament | 1 435 mm |
| Massa in servizi | 71 t |
| Massa a vœd | 58 t |
El Treno Servizi Regional (TSR) l'è 'n elettrotreno faa de 'na lianza de aziend guidada de l'AnsaldoBreda faa apposta per i necessità di pendolar de la zona de Milan e del sò passant ferroviari.
El pò avegh da 2 a 6 carrozz, e ghe n'è 80 in gir, pussee 24 in produzion per la Trenord.
Storia
ModifegaEl TSR a l'è staa faa su in tra Pistoia e Caserta, cont i carrej faa a Villacidro. AndaldoBreda l'ha faa su tutta l'elettronega de trazion, Firema i motor e i caricabatterij. I primm convoeuj a hinn staa consegnaa in del 2006 per l'omologazion, i primm regolar a hinn staa consegnaa in del magg 2007, e a la fin de luj han scominciaa a circolà, sia in su la ref FN sia in quella RFI.
In total, in tra quej de la Region, quej de l'ATI de la S5 e quej de Trenord hinn staa faa su o hinn in costruzion 104 TSR.
Caratteristich
ModifegaI TSR deriven di TAF, de che Trenitalia e LeNORD voreven 'na version pussee bona per i servizzi suburban e regionai, fada su di carozz motris cont gabina e senza, intermedi. A l'è possibil rivà a 12 element, compartii in du treni. Degià che l'è a composizion variabil e tucc i vettur a hinn motris, a l'è possibil modifegà i treni per el servizzi a segonda di necessità senza perd de potenza, roba che la permett anca de andà in sui lign pussee in pendenza de la Lombardia occidentala e anda avègh 'n accelerazion/decelerazion compagna de 'na metropolitana.
Tucc i TSR hinn dotaa de SCMT e de des telecamer; vott intern e dò estern, che permettarien la condotta senza capotreno. Inoltra a hinn tucc dotaa de sistema anti incendi.
El treno el permett, in 200 meter, avègh 800 passegee settà e 800 in pee, per on total de 1600 personn. Gh'è du post omologaa per i disabil, che pòden salì su a ras in del treno.
Allestiment
ModifegaI carrozz di TSR a hinn faa de quatter compartiment: Vun bass e vun alt, in la zòna a dobbi pian e du piscininn, arènt di carrej. La pupart di sedil a hinn mittuu vis a vis, ma a gh'è anca di strapontitt per miôrà i capacità de strapòrt.
Rispett al TAF a l'è pussee spazios per i gent in pee e la gh'è pu la scala a chiocciola, sostituida de vuna dritta.
I port del treno a hinn a vertura rapida e per favorì el bon fonzionament del rescaldament o de la climatizzazion i port se saren automaticament e gh'hann de vèss dervii de quej che voeuren andà su o andà giò.
A gh'è on sistema de informazion garantii de 'n sistema de audio, di schermi LCD, du per cassa, e di strisc LED, ses per cassa, che nonzien la prossima fermada o l'enench intregh di fermaa e la direzion del treno.
Livrej
ModifegaI TSR circolen e han circolaa in trè livrej:
- La livrea classega di LeNORD
- In livrea XMPR, per i treni in origin doperaa in su la S5
- In la livrea Trenord
-
Treno in livrea LeNord a la stazion de Lod -
Treno in livrea XMPR a la stazion de Vanzaghell-Magnagh -
Treno in livrea Trenord a la stazion de Saronn
Vos correlaa
ModifegaAlter progett
Modifega
Wikimedia Commons el gh'ha dent imagin o alter archivi su Treno Servizi Regional
