Lombard Quest articol chì l'è scrivud in lombard, con la Noeuva Ortografia Lombarda

La Vall de Non a l'è una vall del Trentin-Sudtirol, sita squasi domà in la provincia de Trent foeura che per i comun de Senale-San Felice, Proves e Lauregno che inn in quella de Bolzan. Larga circa 600 km2, a l'è cognossuda insema a la Vall de Sol 'me vuna di vai del Nos, che 'l traversa 'sti vai.

Posizzion de la Vall

I comun de la provincia de Trent fann part de la Comunità de la Vall de Non e l'è conligada cont el foeura a travers de la strada statal 43, che la taca la vall a Mezlombard, mente che se po rivà in Lombardia a travers del pass del Tonal, che se riva de la vall de Sol. A gh'è anca la Ferrovia Trent-Malé-Mezzana, che la conliga el caploeugh con la vall e infin con quella de Sol.

In la Vall, foeura che per i comun pussee a Nord che ghe viven i todisch e parlen el normal dialet sudtiroles, se parla el nones, una varietà romanza de la che classifegazzion l'è no ciara: per un quajvun a l'è un dialet lombard alpin, per un quaj alter un dialet del ladin o per di alter un idioma deperlu, despess sociad al solander, che 'l fa de pont in tra el mond lombard e quell retoromanz.

La soa cusina la se destaca no trop de quella del rest del Tirol, ma gh'è 'n quaj prodot propi tipegh, compagn del Tortell de pom de terra e de la Mortandela. Anca i so pom, vendud cont el marchi Melinda, a inn propi cognossud.

Bibliografia Modifega

  • Fabrizio da Trieste, Parlata e cultura nònesa, Trento, Edizioni U.C.T., 2006

Alter proget Modifega

Vos corelade Modifega