Via Pandina
|
Quest articol chì l'è scrivud in lombard, con la Noeuva Ortografia Lombarda |
La Via Pandina a l'è una strada che la conliga Meregnan a Pandin, cont un taj indova che gh'è l'Ada.
Storia Modifega
A l'è stada fàda sù del Bernabò Vescont in tra el 1350 e 'l 1370 per conligà pussee a la sventa i so castej de Meregnan e de Pandin e per fàll andà a cascia in di zone arent a l'Ada.
A l'è stada fàda su 'me strada drita per intregh, 'me che l'è anca incoeu, longa circa 18 km, e la traversava l'Ada, anca se 'l se sa no de precìs comè.
Traciad Modifega
La strada a l'è per la pupart intata, foeura che per el traversà de l'Ada. A Milan e Lod a l'è ciamada strada provincial 138, menter a Cremona strada provincial 91.
La scomincia a Meregnan e la incrosa la via Cerca, per rivà a Dresan, la passa poeu a la Provincia de Lod, a Mulazzan, e la passa la Muzza cont un pont a arcada. In del comun de Zel, la se interomp, indova che gh'è l'Ada, e la taca poch dopo a Spin 'me strada local al servizzi di cassine, e la torna provincial al rondò con la SS415 de Paù e la riva a Nosadell e poeu, dopo havé intersecad la Bergamina, la entra in del center abitad de Pandin.