Lombard Quest articol chì l'è scrivud in lombard, con la Noeuva Ortografia Lombarda

El Victoria a l'è un Stat federad de l'Australia con capitala Melbourne, el segond pussee piscinin de l'Australia cont un'area de 227,444 km² (el prim a l'è la Tasmania), ma anca el segond pussee popolos (dopo del Noeuv Galles del Sud) con pussee de 6.5 milion de persone e quell pussee densament popolad (28 per km²).[1]

El Stat del Victoria in Australia

Storia Modifega

El stat del Victoria l'era in origen cà de tancc tribu de aborigen australian che hann abitad la zona per miara de agn prima di europee.

El Victoria, 'me el Queensland, l'è stad nominad inscì per la Regina Vitoria, che l'haveva regnad sgiamò per 14 agn in del Regn Unid, quand che la colonia l'è stada fondada, in del 1851. El 1 de luj del 1851, inn stad metud foeura i at per l'elezione del prim Cinsili Legislativ del Victoria, e l'assoluda independenza del Victoria del Noeuv Galles del Sud l'è stad proclamad con la noeuva Colony of Victoria.[2] Semper in del 1851 el vegn descovert l'or arent a Ballarat, e poeu a Bendigo. I descoverte inn vegnud in tancc sit in Victoria, quest l'ha fad tacà vun di pussee grande corse a l'or del mond intregh. La colonia l'è clessidra a la svelta in popolazzion e economia. In 10 agn, la popolazzion del Victoria l'è cressuda de 76,000 a 540,000 persone. Tucc i categorie de record inn stad fad, del "sit alluvional in superfis pussee rich in del mond" al toch de or pussee grand. In tra el 1851 e el 1860 el Victoria l'ha produt un terz de la produzzion mondiala.[3]

Geografia Modifega

Bagnad a sud-ovest de l'ocean Indian e a sud-est de l'ocean Pacifegh, el gh'ha a sud el strecc de Bass che el separa de la Tasmania. El confina a nord e nord-est cont el Noeuv Galles del Sud, con la linea de confin in tra i du stat marcada per la pupart del fium Murray, a ovest con l'Australia Meridional: el so territori a l'è occupad da la gran pianura del Murray a nord-ovest che la se volza a sud-est in de la part meridionala de la Granda Cadena de Spartizzion che la riva in di Alp australiane (m. Feathertop, 1922 m). I coste inn in sgener basse, al center la se derva la profonda zoca de Port Phillip indova la nass la capitala del Stat, Melbourne.

Note Modifega

  1. National, state and territory population – December 2021. Australian Bureau of Statistics (28 June 2022). Recuveraa el 1 July 2022.
  2. "Anniversary of the Week." (4 July 1930), p. 2 Supplement: Saturday Camera Supplement. 
  3. Parliament of Victoria - About the First Legislative Council.

Alter proget Modifega