Wikipedia:Cosa l'è minga Wikipedia
Wikipedia l'è ona enciclopedia online scrivuda de ona comunità de utent volontari (wikipedista); quella pagina chì la serviss inveci per spiegà quell che l'è minga Wikipedia.
Wikipedia l'è minga...Modifega
... on'enciclopedia de cartaModifega
Wikipedia l'è minga fada de carta. Quell fatt chì el voeur dì che gh'è minga on limit al numer de argoment che pòden vess trattaa, foeura che i argoment che vann contra i pont presentaa in questa pagina.
Vun di limit l'è la dimension de ona vos, vist che vos tropp longh pòden creà problemma a i utent che gh'hann la connezzion lenta e pòden vess tropp pesant de legg; i vos che diventen tropp longh l'è mej spartij in tanti vos pussee piscininn.
... on'enciclopedia regionalModifega
La Wikipedia lombarda l'è minga l'enciclopedia de la Lombardia ma ona enciclopedia in lombard e donca indipendenta de on paes o de ona region.
... on dizionari o on librett de istruzionModifega
Wikipedia l'è minga on dizionari. Donca, i vos de Wikipedia deven minga vess domà di definizion, ma gh'hann de trattà l'argoment cont on minim de bondanza. L'è anca mej scriv no di vos che hinn domà list de definizion. Tegn a ment che in Wikimedia gh'è di progett appòsta per scriv i dizionari.
Wikipedia l'è minga on librett de istruzion o on liber de cusinna. Scriv minga i vos per spiegà come se doperen i ròpp, come se prepara el risòtt, o quand la se dopera ona certa paròlla o ona certa espression.
... on sit de discussionModifega
Wikipedia l'è minga un gropp de discussion e gnanca on sacch de articoj pu o manch organizzaa. Wikipedia l'è gnanca on forum de discussion e gnanca ona chat o un blog. Per contra a l'è possibil descorr insemma aj olter utent in su la pagina personalao in su la pagina de discussion de on articol particolar. Per i quistion pussee generaj, el sitt pussee indicaa a l'è el Grott.
... una tribuna de propagandaModifega
Wikipedia a l'è minga nassuda per fà cognoss on progett, on savè, ona personna, ona associazion o on quejcoss che l'è ignoraa di media o de l'opinion pubblega. Al contrari, Wikipedia la reporta el savè giamò cognossuu in su on quejcoss che'l respond a criteri de notorietaa.
... una manera comoda de fà reclamModifega
Wikipedia la pò minga vess drovada per inserì articoj de promozion comerciala de on artista, on debuttant, on avveniment, on marcaa, ona botia o on offizzi. Ij articoj che respunden minga a criteri de enciclopedicitaa o de ammissibilitaa prest o tard vegnaran traa via.
... on fornidor de spazzi webModifega
Se pò minga doperà Wikipedia comè proppi sitt o blog personal. Tucc i utent de Wikipedia gh'hann la sova pagina persunala che la vegn doprada per mett dent informazion inerent l'enciclopedia, ma la pò minga vess doprada per mett el curriculum vitae o per deposità dati o file inutij.
... on tutorModifega
I wikipedista hinn minga chì per respondet a tì, ma per scriv i vos; donca, dopera minga i pagin de discussion per ciamaggh on quejcoss a on quejvun. Se te gh'heet bisògn de savè on quajcòss, proeuva a doperà el motor de ricerca intern de wikipedia oppur, in alternativa, i motor de ricerca de foeura (per esempi Google o Yahoo).
Se pròppi pròppi l'è ona quistion de vitta o de mòrt, proeuva a fà on gir a l'oracol de Wikipedia.
... on romanzModifega
I vos de Wikipedia gh'hann de vess scrivuu per fòrza in d'ona manera enciclopedica; dì inscì el voeur dì che ghe voeur semper approfondì i argoment, per quattai mej ch'el sia possibil. El fatt che Wikipedia l'è minga on romanz el comporta anca che te gh'heet de scriv i vos in d'on stil succ, ch'el faga capì i concett, senza sbrodolà tròpp cont i paròll.
... on sitt protettModifega
Abreviazion: Wikipedia a l'è no ...Modifega
| WNB: | Wikipedia a l'è No on Blog |
|---|---|
| WNC: | Wikipedia a l'è No ona Chat |
| WNCV: | Wikipedia No Curriculum Vitae |
| WND: | Wikipedia a l'è No on Dizionari |
| WNEL: | Wikipedia a l'è No ona Lista de Ligamm |
| WNF: | Wikipedia a l'è No on Forum |
| WNP: | Wikipedia No Pubblicitaa |
| WNR: | Wikipedia a l'è No l'offizzi Reclam |
| WNRO: | Wikipedia No Ricerch Originaj |
| WNT: | Wikipedia a l'è No on Tutorial |
| WNV: | Wikipedia No Vandalism |
| WNR: | Wikipedia a l'è No ona Rivista |