Wikipedia:DialCat

Lombard Quest articol chì l'è scrivud in lombard, con la Noeuva Ortografia Lombarda

La categorizazzion per dialet a l'è obligatoria in su la Wikipedia in lombard, ma l'è per la pupart fada di template de grafia. Se po però, e l'è assee consiliad, marcà pussee de precis el dialet a travers del parameter dial che el gh'è in d'ogni template che l'è no del tut dialetal.

Perchè marcà el dialet se el lombard a l'è una lengua unega?Modifega

L'è ciar e patent che in su la Wikipedia in lombard sem d'acordi con la magioranza de la comunità scentifega che la pensa che el lombard el sibia una lengua, sorella di lengov gallitaleghe ma istess deperlee.

E donca, perchè marcà el dialet inveci de segnà tucc 'me lombard e basta? I reson a inn tre.

Prima de tut, el lombard a l'è una lengua unida in la diversità. I dialet gh'inn e fann su la lengua lombarda, la sgent la parla e la scriv un dialet precis. I dialet de la lengua lombarda gh'hann di storie, di literadure, di identità che cunten, e donca pensom che el sia giust che quei che voeul poden marcài.

Per segond pont, categorizà per dialet el da pussee informazzion per quei che studia el lombard. La Wikipedia in lombard a l'è la font che la gh'ha pussee de material in lengua lombarda, e dà pussee informazzion che se po a l'è mei per quei che studia la nosta lengua, che despess doperen la nosta enciclopedia 'me bas per i so elaborazzion. Magara el vost marcà de dialet in su una pagina el sarà vun di quadrei de un studi che el mostrarà che l'è ciar che el lombard a l'è una lengua.

Per terza roba, podom tornà a mostrà che i dialet lombard fann part de un'unità lenguistega, 'me che s'è sostegnud di temp del De Vulgari Eloquentia del Dant Lighier ai prim del '900. Fà vidé, grazzia ai categorie, che i confin provinciai a inn no di confin in tra el visigot e l'ostrogot ma di confin linsger, indova che se parlen di dialet de l'istessa lengua. Incoeu a l'è gram per vun de Milan sentì vun de Bergom o per vun de Bressa sentì vun de Vares e la Wikipedia a l'è despess l'unega via per lensger di alter dialet, che se po vedé, che inn no inscì divers in tra de lor.

Che classifegazzion doperom?Modifega

La classifegazzion dialetal de la Wikipedia in lombard a l'è ispirada a varie classifegazzion sgiamò insubide per la lengua, con di element geografegh e identitari tegnud in ment. L'obietiv a l'è no de havégh la classifegazzion pussee scentifega che ghe sibia, ma una classifegazzion facil de doperà, cont una bona bas scentifega e indova che i sgent poden trovàss a la svelta.

Se gh'hoo di dubi o el me dialet el gh'è noModifega

Quella classifegazzion chì se po criticà e l'è minga perfeta. Se te gh'heet un quai dubi, sentes liber de domandàll in del Grot, inscì te podom ajutà. Intratant, te podet scriver e doperà el template senza classifegazzion e lassà quella de bas, o ben una classifegazzion senza dubi (per esempi Lombard Ocidental, Oriental o Alpin).

Se inveci te penset che ghe voeul un dialet divers che incoeu el gh'è no, scrìv istess in del Grot e mèt denter di informazzion che poden ajutànn a catà foeura se e come meter dent una noeuva grafia, per esempi dizzionari, regolle che varien rispet ai dialet arent e inscì via.

Come marcà el dialetModifega

Ogni template grafegh che l'è no per forza local el gh'ha el parameter "dial", che ne permet de ciapà un codes dialetal e de dà la classifegazzion giusta 'me categoria.

El codes dialetal el po vesser a do letere se l'è per un macrodialet o a tre o quater se l'è per un dialet. Per i sotadialet, se sgionta una letera minuscola al codes dialetal. In del template a gh'è besogn domà del codes a 2 o 3-4 letere, el serviss no quell intregh cont anca la macrovarietà. Per esempi, el milanes a l'è identifegad del codes OC-MIL, ma in del template a l'è assee scriver MIL. Per i sotadialet, inveci, besogna meter anca la leterina, sedenò se marca domà el dialet.

Alber di dialetModifega

Categorie speciaiModifega

RisorseModifega