Angiol

Quest articol chì l'è scrivud in lombard, con la Noeuva Ortografia Lombarda

Ind i religion abrameghe – compagn del sgiudaisem, cristianesim e islam – un angiol l’è un ispiret soranatural che el sta de cà ind el zel. Ind el penser monoteista, quelle creadure chì inn al serivizzi de la divinitaa suprema, o ben del Dia unegh.

Un’angiola la varda fœura duu fiolit adree a sgiugà

I religion abrameghe sovenz je depensgen coma dei intermediari benevolent intra Dia e l’umanitaa. Dei olter rœui che i gh’hann tœuven denter quell de protetor e guida per i persone, compagn dei angioi custod e di servidor de Dia. I religion abrameghe descriven dei irarchie de angioi, che muden a stà a la religion e a la seta in quistion. Un quaj angiol el gh’ha un nom spezzifegh – compagn del Gabriell e del Michel – o di titoi – per esempi serafit o arcangioi. Despess es cred che i angioi cativ sajen istait casciad via del paradis, e donca i vegnen ciamad “angioi decadud”. In quelle religion chì, el diavol – o i diavoi – l’è sozziad con quella sorta chì de angioi.

Ind l’art, i angioi vegnen figurad con dei ale de osii, aureole e de la lus divina che la ghe sberlusiss tut el coo. De solit, i sò fatezze inn fosgiade coma quelle dei homen normai, ancaben che i sajen propri bei bellent. Di vœulte, però, pœuden vesser figurad in de di manere che ghe fann stremizzi o ghe meten adoss sudizzion a quii che je varda.

La parolla “angiol” la ven sgiò del latin angelus, ciapad a sò vœulta del gregh ἄγγελος (angelos), che el vœul dì “messasger”.

Ligam de denter

• Cupid
• Dakini
• Gandharva

Ligam de fœura

Altri progetti

• Wikiquote
• Wikimedia Commons

• Wikiquote el gh'ha dent citazzion de o su angiol
• Wikimedia Commons el gh'ha dent imagin o alter archivi su angiol