Apucaliss Capitel Desnöv

Quel articul chì l'è scrivüü in Lumbard, cun l'urtugrafia insübrica ünificada.

Apucaliss

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Desnöv

¹Dopu de chèstcoss, huu sentii cuma una granda vús d'una granda multitüdin in del cél, disend:
«Alleluia!
La salvéza e la gloria e la puténza [hinn] del noster Diu,
²perchè vér e giüst [hinn] i sò giüdizi;
perchè l'ha giüdegaa la granda prustitüta,
che l'ha curumpüü la tèra cun la sua furnegaziún,
e l'ha vendicaa 'l sangh di sò sèrv de la sua man».
³E l'ha dii una segunda völta:
«Alleluia!
E 'l sò fümm el va sü in di sècul di sècul».
⁴E i vint quater /i/ anziànn e i quater vèss vivént hann burlaa giò e hann aduraa 'l Diu che 'l se seta giò sül tronu, disend:
«Amén, alleluia!».
⁵E una vús l'è nada föra del tronu, disend:
«Ludee 'l noster Diu,
tücc i sò sèrv,
che 'n gh'hann paüra,
i piscinìtt e i grand!».
⁶E huu sentii cuma una vús d'una granda multitüdin e cuma un son de tant aqu e cuma un son de fort tronn, disend:
«Alleluia!
Perchè el Signúr Diu, l'ugniputént, l'ha regnaa!
⁷[Che] gh'àbium letizia e gh'àbium alegria,
e ghe dagum la gloria,
perchè hinn vegnüü i nozz del Berìn,
e la sua sposa la s'è preparada,
⁸e 'l gh'è daa che la se vesta [de] lin ecelént, lüsént e pür:
già che 'l lin ecelént l'è i att giüst di sant».
⁹E 'l me dis: «Scrìv: Beatt [hinn] quij [che] hinn invidaa a la scena di nozz del Berìn». E 'l me dis: «Chèst hinn i vér paroll de/l/ Diu». ¹⁰E huu burlaa giò denanz a i sò pee per aduràll, e 'l me dis: «Véd no: Sun un tò culega sèrv e di tò fradèj che gh'hann la testimunianza de Gesü: adura /'l/ Diu. Già che la testimunianza de Gesü l'è 'l Spirit de la prufezìa».
¹¹E huu vedüü 'l cél avèrt, e varda, un cavàll bianch, e lü che 'l se 'n seta giò ciamaa fedèl e vér, e 'l giüdega e 'l fa guèra cun giüstizia. ¹²E i sò ögg [hinn] una fiama de fögh e sül sò cuu [gh'hinn] tant diadém, avendugh un nomm scritt che nissün el sa no se no lü, ¹³e vestii un mantèll faa pür cun sangh, e 'l sò nomm l'è staa ciamaa: «la Parola de/l/ Diu». ¹⁴E i esèrcit che [hinn] in del cél stann adree a lü sü cavàj bianch, vestii [de] lin ecelént, bianch, pür. ¹⁵E de la sua buca la va föra una spada filada, perchè 'l en culpass i naziún, e lü 'l i guernarà cunt un bastún de fèrr, e lü 'l schiscia 'l tinn del vin de l'ira de la ràbia de/l/ Diu /l'/Ugniputént, ¹⁶E 'l gh'ha sül mantèll e sül sò garùn un nomm scritt: «Rè de rè e Signúr de signúr».
¹⁷E huu vedüü vün àngiul stand in pee in del suu e l'ha criaa in d'una granda vús, disend a tücc i üsèj che gulen in del mèzz [al] cél: «Vegní, regujiiv a la granda /la/ scena de/l/ Diu, ¹⁸perchè mangiuv carn de rè e carn de tribün e carn de fort [omen] e carn de cavàj e quij che se 'n seten giò e carn de tücc, sia liber che s'ciav, e piscinìtt e grand». ¹⁹E huu vedüü la bèstia e i rè de la tèra e i lur esèrcit regujüü per fà la guèra cun lü che 'l se seta giò sül cavàll e cunt el sò esèrcit. ²⁰E la bèstia l'è stada brancada e cun lü el prufèta fals che l'ha faa i sègn denanz a lü, cun quij l'ha imbrujaa quij [che] hann ricevüü la marca de la bèstia e quij [che] aduren la sua imagen; i düü hinn staa bütaa vivént in del lagh del fögh che 'l brüsa cun zòlfregh. ²¹E 'l rest hinn staa mazaa cun la spada de lü che 'l se seta giò sül cavàll che la va föra de la sua buca, e tücc i üsèj hinn staa sudisfaa di lur carn.

Navigaziun

• ← Indree a Capitel Desdot
• Inanz a Capitel Vint →
• A l'indes