Benedetto Della Vedova
El Benedetto della Vedova (Sondri, 3 april 1962) a l'è 'n politegh italian.
L'è staa el president di Radicaj Italian (2001-2003) e leader del moviment di Riformator Liberai (2005-2009); prima l'éra staa eurodeputaa dal 1999 al 2004, deputaa nazional dal 2006 al 2013 e senator dal 2013 al 2018.
L'è staa sottasegretari de Stat del Ministeri di Ester in del governo Renzi e in del governo Gentiloni.
Dal 27 sgenee 2019 l'è secretari de Pussee d'Europa.
Idej politegh Modifega
El Della Vedova a l'è liberista e 'l defend el liber mercaa: L'è soratutt on ammirator de la Scoeula de Chicago del Milton Friedman e di politegh neoliberista de la Margaret Thatcher e del Ronald Reagan.
El defend anca la libertà individuala e l'ha parpognuu la legalizzazion di droeugh linger, de la prostituzion, de l'eutanasia e di union omosessuai.
L'è anca federalista, tant che 'l s'è candidaa al Parlament de la Padania, in del 1997, cont ona lista federalista, ma anti secessionista, e libertaria.