FC Internazional Milan

Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Quest articol chì l'è assee ben faa Vedrina
El logo ofiçal del Football Club Internazionale Milano
FC Internazional Milan
Logo
Nom ofiçal Football Club Internazionale Milano
Nom d'afezion I Nerazur, I Bauscia, El Bisson, La Beneamada
Nom del passat FC Internazionale, SS Ambrosiana, AS Ambrosiana-Inter
Data de fondazion 9/3/1908
Color Negher e Blœu
Stadi Giuseppe Meazza o San Siro
(75923 post)
Sede Flag of Italia Milan
Viale della Liberazione, 16-18 20124
President Flag of the People's Republic of China Steven Zhang
Alenador Flag of Italia Antonio Conte
Campionad atual Serie A
Sit Web www.inter.it
Team colours Team colours Team colours
Team colours
Team colours
En ca
Team colours Team colours Team colours
Team colours
Team colours
Fora ca
Team colours Team colours Team colours
Team colours
Team colours
Fora ca 2

El Football Club Internazionale Milano (Folber Club Internazional Milan in lombard), mèj cognossuu coma Internazional o pussee semplicement Inter, l'è 'na squadra de folber de Milan. L'hann ciamada Società Sportiva Ambrosiana e Associazione Sportiva Ambrosiana-Inter in dei temp del fassism. I color del club, fincora da la fondazion, hinn el negher e el bloeu.

Fondaa in del 9 de marz de 'l 1908 da 'n grupp de soci distaccaa dal Milan, el club l'ha sempar tolt part in del pussee alt campionaa nazional de la soa prima partida offizial, in del Campionaa 1909, e l'è l'unegh ad avè tolt part a tucc i edizion de la Serie A, creada in del 1929. La gh'ha la divisa nera e bloeu, e el sò simbol l'è el bisson, vun di simbol padron de Milan. El sò stadi l'è 'l Giuseppe Meazza, che 'l gh'ha 75923 pòst a settà.

In del sò palmarèss ei gh'hann 18 scudett, 7 Copp Italia, 5 Supercopp italian, 3 Copp di Campion, 2 Copp Intercontinentaj e 1 Coppa del Mond per Club.

El sò primm scudett l'è staa vingiuu in del Campionaa 1909-1910 e l'ultom, che l'è quell de desdott, in del Campionaa 2009-2010, l'ann del Triplete. In Italia l'è la segonda squadra che l'ha vengiuu pussee titoj nazionaj (de dree a la Juventus e pari a 'l Milan, l'alter squadra de Milan).

StòriaModifiché

La fundäziun e i primm agn

 
La roeusa de l'Inter in del 1910, che l'è 'ndree a festegiär el so primm scudett

El Football Club Internazionale l'è nassuu la sera del 9 de marz 1908 a 'l restorant "Orologio" de Milan per iniziativa de vün grupp de soci distaccaa dal Milan Football and Cricket Club, cuntrari a l'impusiziun del club ross e negher de fà minga giugà i forèst.

La squadra l'gà daspütaa la soa prima partida ufiziäl in del Campionaa 1909.

El primm success del club l'è staa in del 1909-1910, vengiuu da la squadra appèna duu agn dapress de la fundäziun.

Vün alter tìtol italian l'gà vengiuu nel 1919-1920.

L'Ambrosiana-Inter in di temp del fassism

In di temp del fassism, el Football Club Internazionale Milano l'gà dovuu cambiär nòmm prima in Società Sportiva Ambrosiana e dapress in Associazione Sportiva Ambrosiana-Inter per l'opra de l'italianizasiun doprada nel fassism.

L'gà vengiuu trii titoj italian e voeuna Coppa Italia nei Agn 1930 (1929-1930, 1937-1938 e 1939-1940). El giugadur pussee important de chèst period chi l'è staa 'l Giusepp Meazza.

Dal Segond Dòpuguèrra ai Agn 1970

 
Helenio Herrera, alenador de l'Inter dal 1960 al 1968 e dal 1973 al 1974

Dapress la Segonda Guèra Mundiàl, cun la borlada giò del fassism in Italia, l'Ambrosiana-Inter turnà a ciamass "Football Club Internazionale Milano".

Nel 1946 'l Giusepp Meazza turnò nel club (coma alenador-giogador), però l'èra mia bòn cuma nei Agn 1930, a rasciun de 'n infurtuni avuu prima, e nel 1947 sé ritirò dal folber giogaa, restant l'alenador fincora a l'ann dop.

Nei Agn 1950, sota la guida de Alfredo Foni, l' Inter l'gà vengiuu duu scudett, ne la Serie A 1952-1953 e ne la Serie A 1953-1954.

Nel desenni dei Agn 1960, inveci, l'gà vengiuu trii scudett (1962-1963, 1964-1965 e 1965-1966), duu Coppe di Campion (1963-1964 e 1964-1965) e duu Coppe Intercontinentaj, sota la guida del capitan Armando Picchi e de l'alenador argentin Helenio Herrera, in chèla roeusa ca verà ciamada Granda Inter.

Dal 1970 al 2001

 
El Karl-Heinz Rummenigge, giogador de l'Inter dal 1984 al 1987

Nel 1970-1971 l'Inter l'gà vengiuu n'alter scudett, sota la guida de 'l noeuv alenador Giovanni Invernizzi.

Nel 1973 turnò a l'Inter 'l Helenio Herrera, ma a rasciun de vun problema al coeur sè n'andaa nel 1974 senza vingiar nagòtt.

Dal 1977 al 1982, sota la guida inveci del Eugenio Bersellini, l'Inter l'gà cjapà 2 Coppe Italia e vün Campionaa (1979-1980).

Nel 1989, chesta voelta chì cun l'alenador Giovanni Trapattoni, dapress asquas un desenni, l'Inter l'gà cjapà n'alter scudett (1988-1989) e nei Agn 1990, dapress 26 agn, l'è turnà a vingiar anca 'n Europa, cun trii Coppe UEFA (1990-1991, 1993-1994 e 1997-1998).

In del 1995 l'gà esordì in Serie A el giugadur argentìn Javier Zanetti.

Dal 2001 al 2009

 
El Javier Zanetti, capitan de l'Inter dal 2001 al 2014

In del 2001 el Javier Zanetti 'l diventa capitan de la roeusa e di lì a pressapòcch l'sarà voeuna bandera de la squadra.

Nel 2005, cul noeuv alenador Roberto Mancini e sota la guida del capitan Zanetti, l'Inter turnà a vingiar, cjapand duu Coppe Italia de infilera.

Dapress el scandol de Calciopoli, il Campionaa 2005-2006 l'è staa daa da la Juventus a l'Inter, e chi l'è cominscià la segonda "età d'òr" del club, che dopu ch'el scudett lì l'ne gà vengiuu alter trii de infilera (2006-2007, 2007-2008 e 2008-2009), sota la guida prima sempar de l'alenador Mancini, e dapress del José Mourinho.

2009-2010, l'annada del Triplete

 
El Diego Milito, el principal tacànt de l'Inter, vun dei giugadur pussee impurtant nel Triplete

El 2009-2010 l'è staa l'ann di récord per l'Inter che, alenà dal José Mourinho, l'è rivada a fà el Triplete, cioè a ving el Campionaa (el quint de infilera), la Coppa Italia e la Coppa di Campion, tutt in del istess ann.

Coppa Italia 2009-2010 > El 5 de magg del 2010 a Roma l'Inter la ving la finala de la Coppa Italia 2009-2010 contra la Roma per 1 a 0, gòl in del primm temp del Diego Milito. La Roma la finiss in 10, vist che 'l Francesco Totti el ciapaa 'l cartelin ross per vegh daa voeuna gran pesciada al Mario Balotelli.

Campionaa italian 2009-2010 > El 16 de magg l'Inter la ving l'ultoma partida del campionaa a Siena per vun a zero contra l'omonima squadra Siena, cun gòl del Diego Milito, e la ving el Campionaa 2009-2010 con 82 pont, segonda inscambi la Roma con 80. L'è el sò Campionaa nomer 18.

Coppa di Campion 2009-2010 > El 22 de magg l'Inter la ving al Bernabeu de Madrid la Coppa di Campion 2009-2010 cóntra 'l Munegh de Baviera, cont duu gòl semper del Milito. L'è la tèrza Coppa di Campion de la sò stòria.

2010-2011

Dòpo che 'l José Mourinho l'è andaa al Real Madrid, l'Inter l'à ciamaa al sò pòst el Rafael Benitez e 'n de l'estaa l'ha venduu el Mario Balotelli al Manchester City.

Coppa Italia 2010-2011 > El 29 de magg la ving n'altra Coppa Italia contra 'l Palermo.

Supercoppa italiana 2011 > El 21 de agost la ving, a San Siro, la Supercoppa italiana contra la Roma per 3 a 1.

Supercoppa UEFA 2011 > El 27 de agost la perd, contra l'Atlético Madrid, la Supercoppa UEFA per 2 a 0.

Dal 2011 fincora al dì d'incoeu

Dopu el 2011, coma 'l Milan, l'Inter s'è farmà e l'gà pù vengiuu nagòtt.

In del 2014 el Javier Zanetti s'è ritiraa dal folber e l'capitan l'è devenuu l'italian Andrea Ranocchia.

Nel Campionaa 2017-2018 e nel Campionaa 2018-2018 l'Inter s'è qualificada per la Coppa di Campion, sota la guida de l'alenador Luciano Spalletti.

Nel Campionaa 2019-2020 in cors sé giuga con la Juventus e la Lazio il titol, sota la guida del noeuv alenador Antonio Conte.

Jogadors e AlenadorsModifiché

Jogadors e Alenadors de la squadra scrivudi in lombard:

Jogadors

Alenadors


Ortografia SL


PalmarèssModifiché

Titoi nazionaiModifiché

30 titoi

1909-1910; 1919-1920; 1929-1930; 1937-1938; 1939-1940; 1952-1953; 1953-1954; 1962-1963; 1964-1965; 1965-1966; 1970-1971; 1979-1980; 1988-1989; 2005-2006; 2006-2007; 2007-2008; 2008-2009; 2009-2010
1938-1939; 1977-1978; 1981-1982; 2004-2005; 2005-2006; 2009-2010; 2010-2011
1989; 2005; 2006; 2008; 2010

Titoi internazionaiModifiché

9 titoi

1963-1964; 1964-1965; 2009-2010
1990-1991; 1993-1994; 1997-1998
1964; 1965
2010
Ortografia SL


Ligamm de foeuraModifiché