Seves (fiumm)
El Seves (Seveso) o Sceves a l'è on fiumm lombard. El nass a Cavallasca (Provincia de Còmm), in sul Mont Sass, a on'altezza de 490 meter. L'è longh 55 km e 'l sò percors l'è scovert domà per on tòcch brev. Quand che 'l riva a Milan (l'è vun di trii fiumm che le traversa, insema al Lamber e a l'Olòna), el ciappa i aqui del riaa Mòlia e 'l se uniss a la Martesana, cont el formà el Cavo Redefossi.
On temp el finiva in del Lamber arent a Meregnan, ma el percors l'è staa deviaa in epoca romana: allora ona part l'è stada indirizzada fina a quella che l'era ciamada Fòssa Romana (cont el nòmm de Grand Seves), menter la part che la restava la formava la ronsgia Vettabbia. In del XX secol el fiumm l'ha ciappaa el percors che 'l mantegn anca al dì d'incoeu. El cors del Grand Seves (Italian: Grande Sevese) l'esist anmò, sòtta el nivell stradal: dòpo avè giontaa i pròppi aqui a quei de la Darsena de Pòrta Cicca l'origina el Cavo Vettabbia.
Comun traversaa
Modifega- Provincia de Còmm: Cavallasca, San Fermo, Montan, Grandaa, Civell, Casnaa, Luisagh (frazion de Porteghett), Fin, Cusciagh, Vertemaa, Cantù (frazion de Asnagh), Carimaa.
- Provincia de Monza e Brianza: Lentaa, Barlassina, Seves, Cesan Maderno, Bovis-Masciagh, Vared.
- Provincia de Milan: Paderna Dugnan, Cusan, Corman, Bress, Milan.
Alter progett
Modifega
Wikimedia Commons el gh'ha dent imagin o alter archivi su Seves
