Laboratori Musee Tecnologicament
El Laboratori Musee Tecnologicament (Laboratorio Museo Tecnologicamente in italian) a l'è 'n musee de la città de Ivrea dedicaa a la storia di macchin de scriv, di calcolatris, di computer e de l'Olivetti. Fondaa in del 2005 l'è dedicaa al Natale Capellaro e 'l gh'ha in la soa collezion di pezz compagn de la Lettera 22, de la Programma 101, de la Divisumma 14 e de l'Elea 9003.
| Laboratori Musee Tecnologicament | |
|---|---|
| (IT) Laboratorio Museo Tecnologic@mente | |
 | |
| Sit | |
| Stat |  |
| Località | Ivrea |
| Adressa | Via Giuseppe Di Vittorio 29, 10015 Ivrea |
| Coordinade | 45°27′59.78″N 7°52′33.4″E / 45.466606°N 7.875945°E |
| Carateristeghe | |
| Visitator | 5 200 (2022) |
| Sitt web | |
Ghe collaboren vari ex lavorent de l'azienda eporediesa, compagn del Gastone Garziera e del Giovanni De Sandre, e 'l gh'ha dent anca on laboratori per sistemà i macchin de scriv, i calcolatriss e i computer, che 'l gh'ha anca on roeull didattegh.
Collezion
ModifegaLa sezion del scriv, dedicada al Camillo Olivetti, la gh'ha 45 divers macchin de scriv, de quei meccanegh a quei elettronegh, in tra i che i iconegh Lettera 22 e Valentine.
La sezzion del calcol meccanegh, dedicada al Natale Capellaro, la gh'ha dent 28 calcolatriss meccanegh faa sù del 1905 al 1967, compagn de la Divisumma 14 e de la Logos 27, la darrera calcolatriss meccanega de la Cà d'Ivrea.
La sezion del calcol elettronegh, dedicada al Pier Giorgio Perotto, la gh'ha dent vundes calcolatriss elettronegh, tutt de l'Olivetti, compagn de la Logos 328 e de la Divisumma 18.
La sezion del personal computer, dedicada al Roberto Olivetti, la gh'ha dent 36 calcolator, de la Olivetti P203 al primm iMac.
In part hinn mostraa la Programma 101, che 'l musee la ciama "primm calcolator de tavol", e l'Elea 9003.
Ligamm de foeura
ModifegaAlter progett
Modifega
Wikimedia Commons el gh'ha dent imagin o alter archivi su Laboratori Musee Tecnologicament
