Luca Bernardo

Medegh e polítegh italian
Lombard Quest articol chì l'è scrivud in lombard, con la Noeuva Ortografia Lombarda

El Luca Bernardo (3 de agost 1967) a l'è un pediatra, sgiornalista e politegh italian.

El Luca Bernardo

Biografia Modifega

Fradell pussee piscininn del Maurizio Bernardo, assessor e deputad, el s'è lauread in Medesina e Cerusia in del 1994 con lod, dopo di studi classegh, e 'l s'è specializad in pediatria in del 1998, semper a l'Università di Studi de Milan. Con la soa tesi el vincc in del 1999 el premi de la Società de Pediatria.

Dopo de 'n annet a studià in di Stat Unid, el taca a lavorà per la sanità publega lombarda, prima al San Paol e del 2005 a Ospedal di Frati.

Del 2001 l'è anca professor a contrat a la Statal, roeull che 'l gh'ha anca al dì d'incoeu.

Del 2009 a l'è diretor del departiment de pediatria di Frati e l'è iscrivud a l'Orden di Sgiornalista.

Carrera politega Modifega

A inizzi luj del 2021 a l'è retegnud di media el candidad sindegh de Milan pussee vesin a la Liga e al Matteo Salvini e 'l va a firmà per i referendum de la reforma de la giustizzia, menad inanz de la Liga e di Radicai. El 6 de luj el vertis del center-destra el conferma la soa candidatura in di elezzion che vegnen, che 'l perd al prim turn contra del sindegh sortent del center-sinistra Beppe Sala. L'entra comunque in del consili comunal.

L'era stad sgiamò candidad in del 2006 in la lista civega de la Letizia Moratti, indova che l'ha ciapad 200 vot e l'è stad minga elegiud.

Onoreficenze Modifega

  • Cavaller de l'Orden al Merit de la Republega Italiana

Riferiment Modifega