Lumbard ucidental Quest articol chì l'è scrivuu in lombard, grafia milanesa.

Il nevis’c, nevètta, rabbia de nev o nev granulosa fina [1] oppùr domà nev granulosa[2] a l’è ‘na precipitazion sòlida fada su de granìtt de giazz opàcch bianch, schisc o slongàa, de diametro egual o minor de 1mm[3][4] che vegnen giò de ‘na nivola[5]. A l’è la precipitazion sòlida equivalenta de la piovìsna[6].

Definizion Modifega

I granìtt bianch de nevis’c, al rivà al soeul, né salten indree, né vànn in tochèj [5]. De sorapù a vegnen giò in quantità piscinìnn, de nivol stratiformi o de la scighera e mai a moeud d'on acqueri ver e propi[6]. El nevis'c l’è pussée falcil a capità di zònn de montagna e con di tempradur intra 0°C e −10°C[5].

L’è bon de quatà in manera leggera e uniforma. El nevis’c el gh’hà ‘na densità pussée alta che la nev a grand fiòcch, per quèst, de sòlit el ven giò pussée a la svèlta. El pò vèss el preludi de ‘na precipitazion nevosa, compagn de la piovisna in di confront de la pioeuva.

METAR Modifega

El còdes METAR del nevis’c (che ‘l ven de la lengua inglesa snow grains) a l’è SG.

Riferiment Modifega

  1. Tor Bergeron, Sechssprachiges meteorologisches Wörterbuch, Lipsia, Linke, 1939.
  2. Il McGraw-Hill Zanichelli small size. Dizionario enciclopedico scientifico e tecnico inglese-italiano italiano-inglese, Bologna, Zanichelli, 1986. 88-08-06170-1 1ª ed. originale: McGraw-Hill Dictionary of Scientific and Technical Terms (in en), New York, McGraw-Hill, 1974.
  3. Nicola Zingarelli, Vocabolario della lingua italiana, Bologna, Zanichelli, 2015.
  4. http://www.treccani.it/vocabolario/nevischio
  5. 5,0 5,1 5,2 International Cloud Atlas (in inglese), Ginevra, Secretariat of the World Meteorogical Organization, 1975, Vol. 1. 92-63-10407-7
  6. 6,0 6,1 Raul Bilancini, Breve dizionario di termini meteorologici in cinque lingue, Roma, Ispettorato Telecomunicazioni e Assistenza al Volo – Segreteria (Ministero Difesa – Aeronautica), 1963..

Vos correlaa Modifega