Lumbard ucidental Quest articol chì l'è scrivuu in lombard, grafia milanesa.

In meteorologia, ona nivola a pedrioeu o in del linguagg specialistich tuba (tu) (da la stessa paròla in latin che la voeur dì tromba), l’è ‘na nivola accessòria che la gh’ha la forma de on còno generalment abbastanza slongàa fada su de gottinn d'acqua condensada, associàda a ‘na colòna de vent vent che la pirla e la ven giò dal fondament de la nivula (de sòlit on cumulonemb o un cumul), ma che la riva nò fin in tèrra o in su la superfice de l’acqua.

Ona nivula a pedrioeu o tuba

El gh’ha la forma d’on còno o de on pedrioeu ch ‘l risalta compagn de ‘na crescenza sòta el fondament de la nivula. Quèll tipo de nivul chì el ghe và despèss insèma cont i temporaj a super-cèllula .

Quand che ona nivula a pedrioue la raggiòng el soeul, alora l’è ona tromba d’aria, anca se in del primm period la mantén la forma de on pedrioeu. Ona tromba d’aria, per de pu, la gh’ha minga per forza besògn de ‘vègh ‘na nivula a condensazion di tipo a pedrioeu, soratùtt quand che i vent fòrt ciclònich che gh’hinn in tèrra riessen a conligass con el fondament de la nivula senza ‘vègh la vista de ‘na appendìce a predioeu.

Ona nivula a pedrioeu a l’è facil de vèss rilevada quand che la passa sora l’osservator, de già che l’è anca compagnada de son caratteristich che fan regordà el ronzà di av, ona muggiada, on molinèll o el s’cioppón de ‘na cascada.

In del caso che la nivula a pedrioeu la ciapa denter la superfice de l’acqua, la se formarà inveci ona tromba marina.[1]

Riferiment Modifega

  1. (FR) Service météorologique du Canada. Éléments à surveiller. Environnement Canada, 19 dicembre 2002. URL consultad in data 24 giugno 2008(arqiviad de l'url orijenal in data 23 agosto 2003)

Vos correlàa Modifega