Corea del Nòrd

Quest articol chì l'è scrivuu in lombard, grafia milanesa.

La Corea del Nòrd a l'è on paes de l'Asia orientala.
A l'è tacada a la Russia, a la Cina e a la Corea del Sud. La gh'ha ona superfiss de 120.540 km² e ona popolazion de pressapocch 23 milion d'abitant. La soa capital l'è Pyongyang.

Corea del Nòrd
(detai)
Corea del Nòrd - Localizazion
Daits aministrativ
Nom intreg	Republega Popolara Democratega de Corea
Nom ofiçal	조선민주주의인민공화국
Lengue ofiçai	corean del nord stàndar e Lenga corean
Capitala	Pyongyang
Politega
Forma de govern	Republega socialista
Capo de Stat	Kim Jong-un
Capo de Govern	Kim Jae-ryong
Superfix
Totala	120 540 km²
Popolazion
Totala	25 490 965 ab.(2017)
Densitaa	211.47 ab./km²
Jeografia
Continent	Asia
Confin	Cina, Russia e Corea del Sud
Fus orari	UTC+9
Economia
Valuda	won nordcorean
Varie
Codex ISO 3166	KP, PRK, 408
TLD	.kp
Prefiss tel.	+850
Sigla autom.	KP
Inn nazional	Aegukka
Evoluzion storega
Proclamazion	9 settember 1948

Offizialment l'è ona republega socialista a economia pianificada, ma in di facc l'è ona dittadura, vuna di pussee gramm che la storia l'ha vist, cont di violazion di diritt uman costant in del temp.

El Capo de Stat de facto l'è 'l Kim Jong-un dal 2011, anca se de jure l'è anmò el vegg President Kim Il-sung, mort in del 1994.

Politega

La Corea del Nord a l'è 'na republega socialista de stamp stalinista e maoista, che la reclama el governo de tutta la Corea intrega. El partii pussee important a l'è el Partii del Lavorà de Corea, che 'l concorr per l'elezion de l'Assemblea Popolara Suprema insemma a di alter partii e sociazion. La Corea del Nord l'è guidada di politegh de Juche, ossia autosufficienza, e Songun, ossia i soldaa prima di alter.

Division territoriala

La Corea del Nord, stat unitari, a l'è dividuda in 9 provincc, 3 città governaa direttament e trii region speciai:

• Pyongyang
• Pyongan Meridional
• Pyongan Settentrional
• Chagang
• Hwanghae Meridional
• Hwanghae Settentrional
• Kangwon
• Hamgyŏng Meridional
• Hamgyŏng Settentrional
• Ryanggang
• Rasŏn
• Namp'o

Informazion e comunicazion

L'informazion in Corea del Nord a l'è fortement controllada e gh'è pocch giornài, television e sitt de informazion, tutt gestii del governo.

El giornal principal del Stat a l'è el Rodong Sinmun, l'agenzia de stampa a l'è la Korean Central News Agency, la television la Television Centrala Coreana. Di sitt gestii de la Corea del Nord a hinn Uriminzokkiri e Naenara.

A bon cunt, però, la pupart de la Corea del Nord la gh'ha mìnga access a Internet ma la dopera ona intranet de Stat ciamada Kwangmyong.

El sistema operativ offizial del Paes se ciama Red Star OS e l'è fondaa in sul Linux.

Vos corelaa

• Juche
• Passaport nordcorean