Lumbard ucidental Quest articol chì l'è scrivuu in lombard, grafia milanesa.

La Cechia (Česko in lengua ceca, offizialment Republica Ceca, Česka republika in cecch) a l'è on Stat de l'Europa orientala, member de la NATO, del Grupp de Visegrád e de l'Union europea. La confina cont la Slovacchia, l'Austria, la Germania e a la Polonia.

Cechia
Cechia - Bandera Cechia - Stema
(detai) (detai)
Pravda vítězí
Cechia - Localizazion
Cechia - Localizazion
Daits aministrativ
Nom intreg Republega Ceca
Nom ofiçal Česká republika
Lengue ofiçai Lengua ceca
Capitala Praga
Politega
Forma de govern Republega parlamentara
Capo de Stat Petr Pavel
Capo de Govern Petr Fiala
Superfix
Totala 78 866 km²
Popolazion
Totala 10 827 529 ab.(1º genar 2023)
Densitaa 137.29 ab./km²
Jeografia
Continent Europa
Confin Slovachia, Pulònia, Germania e Austria
Fus orari UTC+01:00
Economia
Valuda corona ceca
PIL (nominal) 250 681 milion de USD (2019)
Varie
Codex ISO 3166 CZ, CZE, 203
TLD .cz
Prefiss tel. +420
Sigla autom. CZ
Inn nazional Kde domov můj
Evoluzion storega
Proclamazion 1º genar 1993
 

Storia Modifega


Geografia Modifega

  Per savenn pussee, varda l'articol Geografia de la Cechia.

La Cechia a l'è 'n Stat senza sbocch al mar de forma circa romboidala. La confina con la Slovacchia, la Germania, l'Austria e la Polonia.

L'Elba a l'è el fiumm pussee important de la Cechia, el sò picch pussee volt a l'è el Sněžka.

A nivell istoregh a l'è dividuda in trè region istoregh: Boemia, Moravia e Slesia.

Popolazion Modifega

El Paes el gh'ha 10'562'214 abitant, per la pupart in di aglomeraa urban de la Boemia cont ona densità media de 133 ab/km².

I etnij principaj a hinn quella boema, la maggioranza, e quella morava, circa el 30%. I principaj minoranz a hinn quella slovacca, quella ongaresa, quella todesca e quella polacca. Anca i vietnamita, protagonista de 'na granda immigrazion in del period de guerra, a hinn recognossuu 'me minoranza e anca i rom a hinn retegnuu 'na minoranza.

Finna ai decrett Beneš in di Sudetenland gh'eren circa 3 milion de todisch, casciaa via dopo de l'invasion nazista.

Religion Modifega

In Cechia gh'è 'n poo de religion ma a l'è el Stat pussee ateo de l'Europa: Segond di sondagg el 20% el pensa che 'l ghe sia on Dio, el 30% a l'è ateo e 'l 50% teista o spiritualista.

Ordinament del Stat Modifega

La Cechia a l'è on stat regional parlamentar e cont el bicameralism imperfett. El President de la Cechia a l'è elegiuu a suffragi universal e dirett e 'l gh'ha on roeul principalment de garanzia. El Parlament l'è compognuu de la Cambra di Deputaa, de 200 member e elegiuda ogni 5 agn, e del Senad, de 81 member e renoeuvaa de 1/3 ogni 2 agn.

El governo a l'è preseduu del capo del governo, nominaa del President e fiduciaa de la Cambra.

La magistratura la gh'ha ai sò vertis la Cort Suprema, la Cort Ministrativa e la Cort Costituzionala. I giudes, nominaa del President, a hinn independent.

I forz armaa de la Cechia hinn partii in Armada de la Republega Ceca (a soa voeulta partida in Forz de Terra, Armada de l'Aria e Forz Speziai), Burò Militar del President de la Republega Ceca e Guardia del Castell de Praga.

Division territoriala Modifega

  Per savenn pussee, varda i articoi Region de la Cechia, Distrett de la Cechia e Comun de la Cechia.
 
Region de la Cechia

La Cechia l'è spartida in 14 region (kraj), de che vuna l'è la Capital Praga, 72 distett, cont Praga, Brno, Plzeň e Ostrava che hinn consideraa distrett direttament.

I region a hinn:

Region Sigla Cappoloeugh
Praga PR Praga
Boemia Meridionala JC České Budějovice
Moravia Meridionala JM Brno
Region de Karlovy Vary KA Karlovy Vary
Region de Hradec Králové KR Hradec Králové
Region de Liberec LI Liberec
Moravia-Slesia MO Ostrava
Region de Olomouc OL Olomouc
Region de Pardubice PA Pardubice
Region de Plzeň PL Plzeň
Boemia Centrala ST Praga
Region de Ústí nad Labem US Ústí nad Labem
Region de Vysočina ("Altur") VY Jihlava
Region de Zlín ZL Zlín

Politega Modifega

I partii politegh cecch che hinn in Parlament a hinn:

Economia Modifega


Coltura Modifega

Bandera e inn Modifega

La Bandera de la Cechia a l'è la midemma de la Cecoslovacchia, cont i color de la Boemia con sora on triangol bloeu, in di color panslav.

L'inn cecch a l'è Kde domov můj, cant patriottegh che 'l voeur dì "indova è-la la mè terra" scrivuu durant del governo austriegh in su la Cechia.

Mangià Modifega

La cusina ceca la se fonda soratutt in su la carna, de porscell e de agnell, di zupp e de pasta. Famosa l'è anca la birra locala.

Tradizion popolar Modifega

In Cechia, 'me in la pupart de l'Europa orientala la gh'è la tradizion de cavass i scarp e de andàgh no dent in di cas cont i scarp doperaa in l'esterno.

On'altra tradizion ceca famosa a l'è la pomlázka, tradizion de Pasqua indova che i omen scuratten cont ona frusta i donn per auguràgh gioventù e in cambi riceven oeuv coloraa, dolz e alcol.

Straport Modifega

Strad Modifega

La red di autostrad in Cechia a l'è in fas de desvilupp ma i città principai, ossia Praga, Brno o Ostrava a hinn conligaa de la strada D1. I autostrad cecch a hinn a pagament cont la vignetta autostradala.

Ferrovij Modifega

La red ferroviaria ceca a l'è assee desviluppada e gh'è 'na compagnia principala e statala, České dráhy, che la quatta tutt el territori del Stat e la fa el servizzi local, e di compagnij a longa percorrenza RegioJet e LEO Express.

Aereoport Modifega

I città pussee important de la Cechia han l'Aeroport: I pussee important a hinn l'Aeroport Václav Havel de Praga e quell de Brno-Tuřany

Straport pubblich local Modifega


Riferiment Modifega


 
I Stat de l'Europa
 
Albania | Andora | Armenia2 | Austria | Azerbaigian1 | Belgi | Bielorussia | Bosnia e Erzegovina | Bulgaria | Cechia | Cipro2 | Citaa del Vatican | Croazia | Denimarca | Estonia | Finlandia | Frància | Georgia1 | Germania | Grecia | Irlanda | Islànda | Itàlia | Kazakhstan1 | Letònia | Liechtenstein | Lituània | Lussemburgh | Macedonia del Nord | Malta | Monaco | Moldavia | Montnegher | Norvegia | Paes Bass | Portogall | Polonia | Regn Unii | Romania | Russia1 | San Marin | Serbia | Slovacchia | Slovenia | Spagna | Svezia | Svízzera | Turchia1 | Ucraina | Ongaria
1. Stat parzialment in Asia. 2. Stat in Asia, però considerads part de l'Europa per dei rexon storeg e culturai