Tajadin
Pasta a l'oeuv de l'Alta Lombardia
Quest articol chì l'è scrivud in lombard, con la Noeuva Ortografia Lombarda |
I tajadin inn un tipo de pasta a l'oeuv tipega de l'Alta Lombardia, arenta ai tajarin spantegad in del rest de la Lombardia. Gh'hann in comun el condiment con la panera e 'n formai local, de solit el Casera de la Valtolina ma di voeult anca el Bit.
Variazzion Modifega
Tajadin de Villa Modifega
I tajadin de Villa inn ciamad anca dolz perchè inn fad con la farina di castagne e pòden vesser condid anca domà cont el buter e senza la panera per quella reson chì. Inn despess miss cont un poo de camomilla.
Tajadin de Gros Modifega
I tajadin de Gros inn pussee compagn di pizzocher, desgià che inn fad con la farina de gran saracen e inn condid cont i pom de terra, oltra che cont i fonsg.
Tajadin de Pos'ciav Modifega
I tajadin de Pos'ciav inn fad domà con farina bianca e oeuv e inn despess condid cont i pom de terra e con la pesteda.