Lumbard ucidental Quest articol chì l'è scrivuu in lombard, grafia milanesa.
Treno FS ETR.500
Convoi

Frecciarossa a la Stazion de Napoli Centrala
Agn de projetazion 1983-1985
Agn de costruzion 1988-1998
Agn de esercizi 1990-Incoeu
Quantitaa produxida 61
Costruidor Consorzio TREVI
Locomotiv E.404
Lungeza 20 250 mm
Largeza 3 020 mm
Alteza 4 000 mm
Interperno 11 450 mm
Pass di carrei 3 000 mm
Massa a vœd 68 t
Potenza oraria 2 × 4 400 kW
Sforz a l'aviament 400 kN
Velocitaa massema omologada 300 km/h
Alimentazion 1,5 kV CC

3 kV CC
25 kV ~ 50 Hz

Carrozz
Lungeza 26 100 mm
Largeza 2 845 mm
Alteza 3 800 mm
Capacitaa 54 de prima class o 68 de segonda class
Interperno 19 000 mm
Pass di carrei 3 000 mm
Massa a vœd 40 t

El Treno FS ETR.500 a l'è staa el primm treno a volta velocità italian senza pendolament progettaa in tra i 'l 1983 e 'l 1985 e faa su in di agn '90. Anca se l'è despess classificaa 'me elettrotreno in realtà a l'è domà on treno in composizion bloccada faa di dò locomotiv E.404 in trazion dobbia e simmetrica cont on numer variabil de carozz, finna a 14, configurazion mai doperada in del servizzi viaggiator.

Storia Modifega

 
El prototip X

In del magg 1983 i Ferrovij del Stat han faa su on grupp de studi per la creazion d'on treno a volta velocità classich, senza pendolament, e faa de locomotiv e cass speciai. El progett l'ha menaa al prototip ETR X 500, movuu de la Locomotiva E.404.000 che l'è entraa in servizzi in del 1988 e de du prototip sperimentai ETR Y 500 che han faa dal 1989 di proeuv in su la ferrovia Direttissima.

I treni han fonzionaa ben e donca gh'è staa on orden de 30 treni AV a tension ordinaria in correnta continua. Cont la decision de elettrificà i lign AV cont ona noeuva tension in correnta alternada in del 1996 a hinn staa ordinaa alter 30 treni, sta voeulta politension. In del 2002 a hinn staa ordinaa 60 locomotiv per permett anca ai vegg treni de operà in sui lign AV noeuv e i locomotiv vegg, ancamò sostanzialment noeuv, a hinn staa trasformaa in di locomotiv E.414 doperaa per i servizzi Frecciabianca.

Record Modifega

I prototip Y han faa, in del 1989 e in circolazion speziala, el record de 317 km/h, poeu elevaa a 321 km/h, cont l'alimentazion a 3 kV in su la Diretissima.

El 3 de febrar 2009 on ETR.500 diagnostich l'ha superaa el record italian de velocità e l'è rivaa a la velocità de 362 km/h in su la linia AV Bologna-Firenze. Per RFI el record el var anca 'me record mondial in galleria per via del facc che la linia a l'è squasi tutta in galleria, ma in realtà on ICE todesch sperimental in del 1988 l'era rivaa a 404 km/h in galleria.

Caratteristich Modifega

 
Prototip X, bandonaa a Pistoia

Ogni treno a l'è compost de rotabij faa apposta cont di carrozz che supporten i volt velocità e a coo e coa di locomotiv aerodinamich. El gh'ha mìnga el pendolament perchè la Red AV a l'è mìnga inscì tortuosa tant de necessitàll. A l'è pressurizzaa per evità ai passegee i squilibri dovuu ai tunnel.

La cassa a l'è de liga Ergal cont l'imperial in azzal e i musett in kevlar.

Tucc i ETR 500 a hinn di treni bloccaa cont du locomotiv E.404 e on numer fiss de remorciaa, tipicament vundes. Finna al 2010 di treni che faseven Turin-Noara eren limitaa a vott carrozz.

Dal dicember 2012 el treno a l'è dividuu in quater ambient: 1ª Executive, 1ª Business, 2ª Premium e 2ª Standard. In passaa gh'eren anca di configurazion domà de prima e segonda class.

I treni a hinn dotaa de zona Bistrot, gestida de ona società esterna, che la fa de restorant ai or past e 'me bar in del rest di or e la gh'ha di post a settà business.

A l'è dotaa de banch de comand unificaa FS cont sistema di controllo della marcia del treno.

Livrej Modifega

I ETR 500 gh'han avuu trè livrej, senza mai 'vègh la classica XMPR. La prima, progettada del Pininfarina, l'era on'union de verd, gris, bianch e negher: A l'è stada successivament modifegada cont ona fascia rossa per visibilità e sicurezza e l'è stada doperada per i primm treni consegnaa dal 1996.

Cont i primm servizzi a volta velocità a l'è mittuda ona noeuva livrea commissionada al Giorgetto Giugiaro, ciamada Brand AV, che la dopera el gris e 'l ross e l'è doperada dal 2005.

Dal 2008 a l'è introdotta la livea Frecciarossa che la gh'ha 'me color principal el ross e che l'è giontaa cont ona banda sotta di finestrin. In occasion di 150 agn de l'Unità d'Italia a l'è mittuda in su 'n treno ona livrea cont i color de la bandera italiana e per l'Expo Milan 2015 du treni a hinn dotaa de 'na livrea pubblicitaria.

Galleria di foto Modifega

Bibliografia Modifega

  • Luca Vanni, Materiale di trazione elettrico, Albino (BG), Sandit, 2011. 978-88-95990-77-4

Vos corelaa Modifega

Alter progett Modifega