Treno suburban

Quest articol chì l'è scrivuu in lombard, grafia milanesa.

Disambiguazión – Se te see dree a cercà la categoria de servizzi lombarda, varda Treno suburban.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

El treno suburban a l'è on treno che 'l conliga el center de 'na città ai comun del sò hinterland e ai città dormitori, pensaa soratutt per el straport di pendolar.

Caratteristich

El treno suburban a l'è pensaa per quattà di distanz brev, in l'ambit de 'na città e del sò hinterland. Hinn consideraa a mità in tra la metropolitana e 'l treno regional: Hinn different de la metropolitana perchè viaggen in su 'na ferrovia normala, percorren di tratt pussee longh e hinn pussee gross e con cadenza pussee bassa, e pòden avègh anca di passagg a nivell, tipicament doperaa no in la metropolitana.

S-Bahn

La S-Bahn la fa despess on sistema de tipo suburban, ma a l'è minga semper inscì. Gh'è di città piscininn indova el servizzi a l'è de tipo regional o InterRegio, inveci a Berlin a l'è proppi 'na metropolitana complementara a quella sotta terra.

La pupart di S-Bahn la gh'ha 'na tratta central in comun che la permett de servì el center de la città cont ona frequenza compagna de quella de 'na metropolitana.

Loghi e identità

Tipicament i treni suburban a hinn identificaa de la lettera S, despess giontada al numer de la linia.

Logo di S-Bahn todesch
Logo di S-Bahn austriach
Logo de la S-Bahn de Salisburgh
Logo de la S-Bahn de Berna
Logo di lign S de Milan
Logo S-tog de Copenhagen
Logo di Esko cecch
Logo di Cercanías spagnoeu
Logo di Rodalies de Catalunya

In di Stat de lengua spagnoeula a hinn tipicament ciamaa Cercanías, in Catalogna a hinn ciamaa Rodalies. In Franza a hinn ciamaa tren de banlieue.

In cecch a hinn ciamaa Esko, ossia "S".

Per territori

Ex URSS

In di Stat de l'ex URSS a l'è spantegaa el sistema Elektrichka per la gestion di tratt suburban e aeroportoal.

Franza

In Franza l'unich servizzi suburban a l'è el Réseau Express Régional de Paris, gestii de la RATP insemma a la SNCF.

Italia

Per savenn pussee, varda l'articol Treno suburban (Lombardia).

In Italia offizialment i unich servizzi suburban a hinn faa de la Trenord in del servizzi ferroviari suburban de Milan. On servizzi paragonabil a l'è quell del servizzi ferroviari metropolitan de Turin, gestii insemma de la Trenitalia e de la GTT, e anca quei de Roma, gestii de Trenitalia, e de Bologna, gestii de Trenitalia e Trasporto Passeggeri Emilia-Romagna.

Cechia

In Cechia el servizzi suburban, ciamaa Esko, a l'è gestii di České dráhy e 'l quatta Praga e la Moravia-Silesia.

Spagna

In Ispagna el servizzi regional a l'è gestii de la Renfe Cercanías e in Catalogna a l'è ciamaa Rodalies.