Union mount
|
Quest articol chì l'è scrivud in lombard, con la Noeuva Ortografia Lombarda |
Per union mount se intend, in informatega, una tecnega per mostrà pussee directory 'me che fussen vuna. A l'è suportad in su Linux, BSD e la pupart di sò evoluzzion, e Plan 9, con di fonzionament vesin ma con di diferenze.
Un esempi de doperà a l'è in d'un CD o un DVD: se l'è minga mudabel, se po fà inscì che 'l so pont de mount a l'è una directory in union mount, inscì che cont el scriver de file noeuv se gh'ha l'impression che 'l contegnud del disch otegh a l'è cambiad. A l'è una roba che la se dopera per esempi per atualizà i pachet de un sistema live o per i immutable distro, che inn di sistema operativ, despess a bas Linux, che guarnen semper un'installazzion de bas che se po tornàgh in cas de problema, propi grazzia a 'n modell compagn che 'l lassa semper a diposizzion un sistema che 'l fonziona e ghe scriv sora i atualizazzion e i pachet pussee.