Cupola del cumulonemb
La cupola del cumulonemb la se forma sora l'incuden de on cumulonemb quand che la corrent ascedenta de un temporal l’è inscì fòrta de sborà foeura ind l’inversadura tèrmica de la stratosfera. Quand che la se forma gh’è ona fòrta instabilità atmosferega.
Formazion Modifega
Quand che 'l se forma on temporàl, i nivol leven su in verticàl ind l'atmosfera fin tant che la corrent ascendenta del temporal la raggiòng el livèll de equilibri, o ben el pont indoe l'aria che la gh'è intorna la gh'hà l'istèssa temperadura[1]. Quèst "pont de equilibri" chì a l'è despèss la tropopausa. Inveci che segutà a 'ndà su ind la troposfera, la créscita vertical e la nivola, de colp la se ferma, e la taca a créss in orizzontal. La se forma inscì l'incuden in su la scima del cumulonemb.
La cupola del cumulonemb la se forma quand che la corrent ascendent del temporal, per via del slanz provocaa d'ona salida svèlta e de la fòrza de sollevament, la sbora foeura de là del sò livèll de equilibri, e la forma la tipica cupola[2]. Quèst el pò capità con qualsessìa cumulonemb quand che l'instabilità atmosferega l'è molto alta.
Interpretazion Modifega
- Se la cupola a l’è persistenta (pussée de 10 minùt), l’insegna di super-cèllul attiv con el ris’c de tempèsta e borineri;
- se a l’è temporani el temporal a l’è pulsant con fasi de brutt temp e tempèsta ma senza tromb d’aria;
- se la cupola la ven a voltra a cicli, alora l’insegna on temporal a super-cèllula che ‘l se ripètt e l’è bon de ingenerà di tromb d’aria multipli. [3]
Riferiment Modifega
- ↑ http://www.nssl.noaa.gov/primer/tstorm/ Arqiviad qé: [1] tst_detecting.html
- ↑ Untitled Document. URL consultad in data 17 novembre 2011. (arqiviad de l'url orijenal in data 27 settembre 2011)
- ↑ Gabriele Formentini (2009). Temporali e e Tornado (in italian). Alpha Test, 55-58. ISBN 978-88-483-0992-9.