Blues (treno)
|
Quest articol chì l'è scrivud in lombard, con la Noeuva Ortografia Lombarda |
Blues (siglad HTR.312 o HTR.412 a segonda del numer di casse, con la H che la sta per "Hybrid") a l'è 'n treno bimodal in costruzzion de la Hitachi Rail pensad per el mercad italian e part de la familia "Masaccio".
Storia
Modifega.jpg)
In del 2018 Hitachi Rail la vinc 'na gara de apalt europea per dà a la Trenitalia 70 treni, cont un toch inizzial de 43, che podarien deventà 135. La gara l'era dree a vesser vengiuda de la Stadler Rail ma a la fin di recors de la terza classifegada, cioè Alstom, hann menad a 'na negoziazzion che l'ha fad sbassà el prezzi a la Hitachi e dopo che 'l TAR l'ha dad a sgiugn 2020 el via libera l'è stad possibel partì a fà su 'sti treni.
L'è stad presentad ai sociazzion di consumator e di handicapad a fin setember 2020 e 'l gh'haveva de vesser presentad al publegh a fin otober, event poeu posticipad per el COVID-19.
El sarà in servizzi del 2022, menter prima di ritard l'era previst l'ingress in servizzi in del 2021 e 'l sarà fad su a Pistoia, Reggio Calabria e Napoli.
Incoeu ghe n'è in produzzion 43 che sarann partid inscì: Lazio (3 treni), Sardegna (12 treni), Sicilia (17 treni), Toscana (11 treni) e Val d'Aosta (4 treni).
Carateristeghe
ModifegaL'è a trii o quater casse monopian che se pogen in su di carrej Jakobs, inn esteticament compagn di Rock ma la diferenza l'è che, oltra a podè vesser alimentad de la linia aerea, el pò havégh un generator diesel e 'na bateria, inscì de correr in sui lign minga eletrifegad e de doperà la bateria in di center abitad per inquinà minga l'aria lilinscì e resparmià el gasoeuli
L'è bon de rivà fina a 160 km/h e con tucc i confort che se specen di moderni treni regionai compagn di prese eletrighe a 220 V, climatizzazzion, sistema de informazzion a bord, distribuzzion de snack e post par i spiciole e bagagg, oltra che pienament doperabel par i gent cont di handicap. I so prestazzion a inn paragonabij a quei de 'na metropolitana.
Riferiment
Modifega- Trenitalia, Hitachi vince gara per 135 treni regionali
- Ferrovie: ecco il nuovo "Blues" di Trenitalia
- Trenitalia battezza “Blues” il nuovo treno di Hitachi Rail
- Fs: commissionati a Hitachi Rail 43 treni ibridi
- Ferrovie: ecco il nome dei nuovi convogli monopiano di Trenitalia e Hitachi Arqiviad qé: [1]
- Tar Lazio: respinto ricorso Alstom per aggiudicazione di Trenitalia a Hitachi Rail Italy della gara per convogli per servizio regionale
Alter proget
Modifega
Wikimedia Commons el gh'ha dent imagin o alter archivi su Blues (treno)
