Indes termodinamich (meteorologia)

Quest articol chì l'è scrivuu in lombard, grafia milanesa.

I indes tèrmodinamich in meteorologia hinn di indes che tegnen cunt del profil vertical de temperadura, umidità, e pression ottegnùu per mèzz di radio-sondagg e hinn de ajut per el meteoròlogh in del valutà la predisposizion de l’atmosfera ai temporaj.

Tuttamanch qualsessìa indes deperlù l’è nò assée de prevedè i temporaj, de già che per el svilupp de on temporal la serviss ona spinta iniziàl, o ben l’aria la gh’ha de vèss rusada a levà su per ona quaj reson che la pò vèss:

• frontal, o ben se ‘l riva on front frècc;
• orografica, o ben se l’aria l’è rusada a’nda su quand che el vent l’incontra ona cadèna motagnosa
• per fòrt riscaldament, o ben se l’aria scaldada la ven pussé calda de quella intorna e la va su.

A gh’è divèrsi tipi de indes termodinamich:

• Indes de sollevament (LI)
• Indes del Showalter (SI)
• Indes K (K)
• Indes total di totaj (TT)
• Acqua precipitabil
• Indes de minaccia de borineri (SWEAT)
• Numer complessiv del Richardson (BRN)
• Elicità relativa al temporal (SREH o SRH)
• Fòrbes del vent intra 0 e 6 km
• Indes de elicità e energia (EHI)