Chest artícol a l'è scricc in Lumbàrt, ortograféa orientàl unificàda.


La lèngua Aka-Jeru o adóma Jeru, Yerawao l’è öna lèngua setentriunàla di Grand Andamane, ün arcipélach de ìsole ‘ndiane ‘n del gólf del Bengala.

I lèngue di Andamane
Confrónt tra la distribusiù di tribù di andamanés tra ìl prensépe del méla e òt (1800) e ‘l prensépe del 2004. Gh’è de regordà che tra ‘l 1789 e ‘l 1793 i s’è spopolàt i teritòre urignàre di Jarawa che po’ i s’è spostàcc in pòscc bandunàcc da i Grand Andamanés sö la còsta a sira (ovest); la s’è estìnta la lèngua Jangil dal 1931; l’ rèsta póch o negót de i lèngue de i dés lèngue di pòpoi Grand Andamanés; dóma ‘l tòch de la lèngua Sentinelese l’è restàt chèl che l’éra.

La lèngua Aka-Jeru l’è quaze ‘ndàcia perdìda, dezà che gh’è quaze piö nisü che l’ la parla: ol sito di Andamane, www.andamanese.net, l’ dis che gh’è amò 7 persune che i l’la parla, ma se sa mia bé se l’è pròpe Aka-Jeru o öna lèngua creola che l’à ciapàt tat dal Aka-Jeru.

La paròla Aka, al prensépe del nòm de la lèngua, l’è ü prefìs cümü a i nòm di lèngue e l’è dovràt in töte i Grand Andamane[1].

La lèngua Aka-Cari l’èra öna di 10 lèngue parlade dal pòpol di Grancc Andamanés, pòpol che se pènsa l’abie abitàt chèste ìsole da piö de 65.000 agn; i éra 'n 5.000 quando in del 1858 i è riàcc i Inglés, menimà 'n del 2010 i n’éra restàcc dóma 52.

Ol còdes Iso Modifega

Ol còdes Iso de la lèngua Aka-Jeru l'è ISO 639-3: akj.

I lèngue di Andamane Modifega

Lèngue andamanéze magiùre (10)

del setentriù (4)

del mès de l’arcipélagh (6)

Lèngue andamanéze meridiunàle (3)

Referènse Modifega

  1. Temple, Richard C. (1902). A Grammar of the Andamanese Languages, being Chapter IV of Part I of the Census Report on the Andaman and Nicobar Islands. Superintendent's Printing Press: Port Blair.