Livèll de equilibri

Quest articol chì l'è scrivuu in lombard, grafia milanesa.

In meteorologia, el livèll de equilibri (EL), o limit de convezion (LOC), a l’è l’altèzza che ona partìcola d’aria che l’è ‘drée a ‘ndà su de soeul indoe la gh’hà l’istèssa temperadura de l’ambient de foeura.

Diagrama che ‘l fà vedé ona partìcola de aria che la và su adrée al tragìtt B-C-E confrontada con la temperadura (T) e l’umidità (o mèj la temperadura de scigolla bagnada (Tw)) de l’ambient che ‘l gh’è intorna.

Ona massa d’aria instabil che l’è adrée a’ndà su la diventa stabil quand che la raggòng el livèll de equilibri e la convezion atmosferega la se ferma. Quèll livèll chì, despèss a l’è arent a la tropopausa e ‘l se ved per mèzz del limit de sora de l’incuden de on cumulonemb de on temporal perché a l’è l’altèzza indoe la corrent ascendenta la se ferma, foeura che ‘l caso di cupol del cumulonemb, che l’è on caso indoe la seguta a ‘ndà su fin al livèll massim de la massa d’aria (MPL) in quèll moment là. Defàtt la cupola del cumulonemb la se forma quand che i corrent ascedent hinn inscì fòrt de sborà foeura de la del livèll de equilibri.

Vos correlaa

• Instabilità atmosferega
• Livèll de convezion libera
• Radio-sondagg
• Nomograma de l'Herlofson

Ligamm de foeura

• The Difference Between the Equilibrium Level and Maximum Parcel Level
• Identity of Storm Features