Vittorio Feltri
El Vittorio Feltri (Bergom, 25 de giugn 1943) a l'è 'n giornalista, che 'l s'è dimettuu de l'orden, e scrittor italian, direttor de Libero e in precedenza de l'Europeo, de l'Indipendente, de il Borghese e de il Giornale.
A l'è retegnuu vesin al liberalism conservator e l'è monarchich, euroscettegh e popolista: el sostegn el garantism e l'è a favor de l'eutanasia, di matrimoni gay, de la legalizzazion di droeugh linger e de l'amnistia, tant de s'ceràss col Benedetto Della Vedova e cont el Marco Pannella. El sostegn anca di posizion settentronalista e 'l simpatizza per i independentista e per el dirizz a l'autodeterminazion di popol. Impunemanch, l'è famos per el sò stil assee politicament scorrett, per esempi el ciama i gay "froci", che in italian corrent a l'è 'n termen proppi offensiv che 'l gh'ha nissun paragon in del lombard.
L'ha a longh sostegnuu el Silvio Berlusconi menter incoeu a l'è pussee vesin a la Giorgia Meloni e, secondariament, a la Liga Nord.
In del 2006 l'ha vinciuu l'Ambrogin d'or. In del 2020 el se dimett de l'Orden di Giornalista, che per luu a l'è on ent inutil che 'l perseguita inutilment per i titoi del sò giornal, de che l'è minga direttor responsabil.
In del 2021 el se gionta a Fradej d'Italia, de che l'è staa el capolista per i elezion comunai de Milan e l'è elegiuu, ma poeu el lassa el consili comunal, degià che l'era stracch e malaa.
In del 2023 l'è elegiuu consejer regional con Fratelli d'Italia.