Lumbard ucidental Quest articol chì l'è scrivuu in lombard, grafia milanesa.

El Wii a l'è 'na console de la Nintendo presentada in del 2005 e venduda dal 2006. A l'è stada la console pussee venduda de la Nintendo e vuna di pussee venduu in la storia.

Wii

La console la pò lengg i Nintendo Optical Disc sò e del GameCube.

CaratteristichModifiché

Canai WiiModifiché

I Canai Wii a hinn di servizzi cont di fonzion giontiv respett ai videogioeugh, per esempi i news, el meteo, di mini-gioeugh o di possibilità de doperà on quaj element di gioeugh senza el DVD. Anca i Mii a hinn gestii cont on canal, e se pòden giontà cont el WiiWare.

Virtual ConsoleModifiché

  Per savenn pussee, varda l'articol Virtual Console.

Virtual Console el permètt de descaregà di gioeugh iconich di piattaform de retrogaming ad on prezz de 'n quaj Euro: A gh'è gioeugh del NES, del SNES, del Neo Geo, del Nintendo 64, del Sega Mega Drive, del Sega Master System e del Commodore 64. I gioeugh a hinn no modifegaa, foeura che per la traduzion in ingles di gioeugh sortii domà in giappones.

Periférich de contròllModifiché

 
On Wiimote cont on Nunchuk

La periferica pussee importanta a l'è el Wii Remote, on telecomand a mano libera che cont on giroscopi e 'n accelerometer el rileva la soa posizion spaziala. A l'è possibil fàll pussee precis cont el Wii Motion Plus. I signai a hinn relevaa cont ona barra a infraross.

Per i gioeugh che domanden dò man a l'è doperaa on Nunchuk, anca lu cont di sensor. El Wii Remote el pò andà cont di guss, per esempi, a forma de volant de macchina per Mario Kart Wii o de pistola. A l'è possibil doperà anca on Classic Controller, senza giroscopi, per i gioeugh classich o per i gioeugh del Virtual Console.

Per i gioeugh che han de bisogn de rilevà el moviment di pee a gh'è la Wii Balance Board, nassuda per Wii Fit, che la rileva el pes e 'l baricenter.

RetrocompatibilitàModifiché

El Wii a l'è retrocompatibil cont el GameCube a nivell nativ, e 'l gh'ha besogn di sò sched de memoria e controller per fonzionà e offriva 4 access controller e 2 per sched de memoria. El supportava no, però, i espansion sotta del GameCube 'me el Game Boy Player.

Cont di version moddaa, però, a l'è possibel doperà di àlter controller e di sched de memoria virtuai.

GioeughModifiché

Gioeugh ch'han avuu success per el Wii a hinn staa:

Nintendo l'ha desviluppaa la Serie Wii, ciovè di gioeugh che fann ampi us di caratteristegh di noeuv controller e permetten de imparà a doperàll. 'Sti gioeugh a hinn:

Ligamm de foeuraModifiché

Vos corelaaModifiché