Consili regional de la Lombardia

Quest articol chì l'è scrivuu in lombard, grafia milanesa.

Consili regional de la Lombardia Consiglio regionale della Lombardia
Stat	Lombardia
Tipo	Consili regional
Istituii	1970
President	Federico Romani (FdI)
Vicepresident	Giacomo Cosentino (LI) Emilio Delbono (PD)
Ultima elezion	12-13 de fevree 2023
Numer de member	80
Durada mandaa	5 agn
Sed	Pirellon
Indiriz	Fabio Filzi 22, Milan
Sit web	[1]

El Consili regional de la Lombardia (Consiglio regionale della Lombardia) l'è l'orghen cont el poder legislativ in Lombardia. L'è staa elegiuu per la prima voeulta in del 1970, quand che hinn staa faa su i Region a Statut ordinari comé da Costituzion del 1948.

Composizion

In del 1995 i Region italian hinn staa reformaa e hinn vegnuu di sistema semipresidenziaj: Prima el Consili Regional l'era elegiuu proporzionalment e 'l President de la Lombardia l'era elegiuu dal Consili, incoeu l'è elegiuu insemma al Consili di gent.

I 80 consijee hinn elegiuu in di provincc de la Lombardia cont on metod proporzional: el Metod del quozient e di pussee volt rest cont el vot de preferenza. Prima 64 eren elegiuu a nivell provincial e 16 eren elegiuu in blocch cont ona lista regionala.

Du scagn a hinn reservaa per el President e 'l primm mìnga elegiuu.

A la coalizion che la vinc a l'è garantii on premi de maggioranza de almen:

• 55% se 'l President el ciappa men del 40%
• 60% se 'l President el ciappa almen el 40%

El president e 'l Consili hinn elegiuu per 5 agn, ma se 'l president el gh'ha pu la fiducia, el se dimett o el moeur tutt el consili intregh el borla giò, per via del principi simul stabunt, simul cadent, ossia se hinn staa elegiuu insemma, borlen giò insemma.

El Consili el scerniss on sò president che l'è juttaa de du vicepresident.

Orghen

I president

Legisladura	President	Partii	Period
I	Gino Colombo	Democrazia Cristiana	6 de luj 1970 - 24 de luj 1975
II	Sergio Marvelli	Partii Socialista Italian	24 de luj 1975 - 20 de april 1978
	Carlo Smuraglia	Partii Comunista Italian	20 de april 1978 - 24 de luj 1980
III	Sergio Marvelli	Partii Socialista Italian	24 de luj 1980 - 6 de ottober 1983
	Renzo Peruzzotti	Partii Socialista Italian	6 de ottober 1983 - 18 de giugn 1985
IV	Ugo Finetti	Partii Socialista Italian	18 de giugn 1985 - 5 de agost 1985
	Fabio Semenza	Partii Republegan Italian	5 de agost 1985 - 27 de giugn 1990
IV	Gianpietro Borghini	Partii Comunista Italian	27 giugn 1990 - 12 de febrar 1992
	Claudio Bonfanti	Partii Socialista Italian	12 de febrar 1992 - 9 de dicember 1992
	Francesco Zaccaria	Partii Socialista Italian	9 de dicember 1992 - 19 de giufn 1995
VI	Giancarlo Morandi	Forza Italia	19 de giugn 1995 - 12 de giugn 2000
VII	Attilio Fontana	Liga Nord	12 de giugn 2000 - 6 de giugn 2005
VIII	Attilio Fontana	Liga Nord	6 de giugn 2005 - 6 de luj 2006
	Ettore Adalberto Albertoni	Liga Nord	6 de luj 2006 - 15 de luj 2008
	Giulio Achille De Capitani	Liga Nord	15 de luj 2008 - 11 de magg 2010
IX	Davide Boni	Liga Nord	11 de magg 2010 – 8 de magg 2012
	Fabrizio Cecchetti	Liga Nord	8 de magg 2012 - 27 de marz 2013
X	Raffaele Cattaneo	Noeuv Centerdestra	27 de marz 2013 - 5 de avril 2018
XI	Alessandro Fermi	Forza Italia	5 de avril 2018 - 15 de marz 2023
XII	Federico Romani	Fradej d'Italia	15 de marz 2023 - in carega

Ofici de Presidenza

President

• Federico Romani (FdI)

Vicepresident

• Francesca Attilia Brianza (Lega)
• Carlo Borghetti (PD)

Segretari

• Alessandra Cappellari (Lega)
• Jacopo Scandella (PD)

Grupp consiliari

Grupp consiliari Cadreghe Lega - Lega Lombarda Salvini 29 Forza Italia 14 Fratelli d'Italia 2 Fontana Presidente 1 Noi con l'Italia Lombardia 1 Energie per la Lombardia 1 Grupp Mist 1 Total coalizion de center-destra 49 Partito Democratico della Lombardia 16 Gori Presidente 2 Total coalizion de center-sinistra 18 Movimento 5 Stelle 13 Total 80

Riferiment

• Legge elettorale ed elezioni regionali