Cronologia di malware

Quest articol chì l'è scrivuu in lombard, grafia milanesa.

Tela chi 'na cronologia di malware pussee important.

1949 Modifega

John von Neumann el scriv on articol scientifegh in su la possibilità de 'n software de replicàss indeperlu.

1971: A l'è scrivuu el Creeper worm, desviluppaa per testà la teoria del Von Neumann. El taccava i PDP 11 e 'l se spantegava via ARPANET.
1974: A l'è scrivuda la fork bomb Rabbit, che comé on conili la se reproduss in memoria fina a fà crashà el sistema.
1975: John Walker el scriv ANIMAL per UNIVAC 1108, el primm Trojan, che 'l faseva di domand a l'utent per capì che animal l'era dré a pensà, e poeu el se copiava in tucc i directory. L'era faa apposta per fà mia di dagn.

1981: Rich Skrenta el scriv Elk Cloner per Apple II, che 'l doperava i dischett. L'è stada la prima infezion de larga scala.
1983: Frederick Cohen inventa la parolla virus e 'l crea on virus dimostrativ.
1984: Ken Thompson el parla de on possibil compilator per UNIX bon de mett 'na backdoor in del login del sistema senza che 'l codes sorgent gh'avess la backdoor.
1986: L'è faa el Brain, primm virus important per el PC IBM. I autor eren di fradej pakistan, che gestiven 'na bottega de informatega.
1987: Granda evoluzion di boot virus, publegazion del Jerusalem virus, che 'l scancella tucc i file el venerdì tredes. Anca i Amiga hinn staa colpii, cont el SCA virus.

1990: A hinn desviluppaa i primm virus polimorfich
1991: Sortiss el Michelangelo
1995: Sortiss Concept, primm macrovirus
1996: Nass Staog, primm virus per Linux
1998: Sortiss CIH, virus assee destruttiv del BIOS
1999: Ann assee prolifich per i malware: Sortissen Melissa, Happy99, ExploreZip e 'l worm Kak, el primm in JavaScript

2000: Sortiss ILOVEYOU, vun di virus pussee spantegaa. Nass anca el primm virus per fiolitt, cioè Pikachu
2001: Sortissen Sircam, Code Red, Sadmind, Nimda, Klez e l'Anna Kournikova
2002: Sortissen Smile, virus polimorfich in assembly e Mylife
2003: Sortissen SQL Slammer, Sobig, Sality e Sober. L'è anca l'ann de Blaster e de la contrapart bona Welchia
2004: Sortissen Bagle, MyDoom, Netsky, Sasser e Vundo. L'è publegad anca Cabir, primm virus per i telefonin
2005: Sony la infetta i computer cont el sò anticopia: Scandol de l'anticopia Sony. Scomincen a vess in voga i primm ransomware compagn de PGPCoder e anca i worm per el telefonin compagn de Commwarrior
2006: Descovert Leap, primm malware per Mac OS X
2007: Sortiss Storm Worm
2008: Sortissen Koobface, malware social, e 'l potent Conficker
2009: L'è publegaa in sul web el codes sorgent del Trojan de Stat todesch MegaPanzer

2010: Stuxnet, virus de origin militar
2013: Nass CryptoLocker è l'è el principi de ona granda epidemia de ransomware. Intant Linux.Darlloz el tacca, grazia a 'na vulnerabilità del PHP, i sistema Internet of Things cont Linux.
2014: Sortiss Regin, bon de descaregàss di paginn senza fàss vidè di antivirus
2015: Sortissen i malware per Linux BASHLITE e Wifatch
2016: Mirai tacca i sistema IoT per fà di DDoS, el ransomware Locky el gh'ha 'na bona diffusion
2017: Attacch del ransomware WannaCry, seguii de Petya. A mità ann i dispositiv Android a hinn taccaa de Xafecopy
2019: L'è descovert Titanium, malware assee insidios e persistent. A la fin de l'ann el sortiss RagnarLocker, che 'l doperà 'na macchina virtual per taccà l'ospit

2021: l'è sbattua giò la red de Emotet, malware in pee del 2014 e responsabel del 38% di attacch informategh del period in che l'era attiv e l'è descovert SilverSparrow, trojan per el noeuv processor M1 de la Apple