Piev milanes
In del Medioev, el termin piev (del Latin plebs, plebis) l'indicava ona circoscrizion ecclesiastiga inferior ai diòcesi. Del XII secol, in età comunal, la piev l'ha ciappaa anca di fonzion civil per el contròll del territòri de part di città maggior, che hann doperaa anca i vegg aggregazion territoriai. In Lombardia quei aggregazion chì hann ciappaa el nòmm de piev, cort e squader. In particolar, el territòri de la diòcesi de Milan l'è staa per tant temp spartii in piev (che hinn rivaa al numer de 65) che a la sò vòlta hinn staa dividuu in borgh, cassinn e loeugh che hinn staa i antenaa di comun moderni. In alternativa ai piev gh'eren ona quai cort ('me la Cort de Monza), vicariaa (el Vicariaa de Binasch) o squader (la Squadra de Nibiònn).
I piev gh'hann avuu competenz politigh fina al 1797 ed eren raggruppaa a soa vòlta in quatter contad (Martesana, Sever, Burgaria e Bazzana). I piev milanes se troeuven in d'on territòri che 'l comprend i attual provincc de Milan (a eccezion de Milan), de Monza, de Lecch, de Vares e on quai comun de la Provincia de Còmm e de la Gera d'Adda bergamasca.
La fin definitiva di piev, anca del pont de vista religios, l'è rivada in del 1972, quand che hinn staa sostituii cont i vicariaa.
Lista di piev milanes Modifega
- Piev de Agliaa, patròn San Peder.
- Piev de Angera, patròna Santa Maria Assunta.
- Piev de Appian, patròn San Steven.
- Piev de Arcisaa, patròn San Vittor.
- Piev de Bellan, patròn Sant Nazzar e Cels.
- Piev de Biegrass, patròna la Madònna.
- Piev de Bollaa, patròn San Martin.
- Piev de Brebbia, patròn Sant Peder e Paol.
- Piev de Brivi, patròn Sant Sisini, Martiri e Lissander.
- Piev de Bruscian, patròna Beada Vergin Assunta.
- Piev de Bust, patròn San Giovann Battista.
- Piev de Castel Sever, patròn San Giovann.
- Piev de Cesan Boscon, patròn San Giovann Battista.
- Piev de Corbetta
- Piev de Cornelian
- Piev de Dairagh
- Piev de Derv
- Piev de Des
- Piev de Gallaraa
- Piev de Gallian
- Piev de Garlaa
- Piev de Gera d'Adda
- Piev de Gorgonzoeula
- Piev d'Incin
- Piev de Lecch
- Piev de Leggiun
- Piev de Legnan
- Piev de Linaa
- Piev de Locaa
- Pev de Mandell
- Piev de Marian
- Piev de Mezzaa
- Piev de Massaja
- Piev de Nervian
- Piev de Oggiòn
- Piev de Olgiaa
- Piev de Parabiagh
- Piev de Pontiroeu
- Piev de Porlezza
- Piev de Rosaa
- Piev de San Donaa
- Piev de San Giulian
- Piev de Segraa
- Piev de Settara
- Piev de Seves
- Piev de Somma
- Piev de Trenn
- Piev de Vall Assina
- Piev de Valsassina
- Piev de Valsòlda
- Piev de Valcuvia (de la diòcesi de Còmm)
- Piev de Valtravaja
- Piev de Varenna
- Piev de Vares
- Piev de Vimercaa
Vicariaa Modifega
Cort Modifega
- Cort de Casal (giamò Cort de Canz): Canz, Carella, Caslin, Cassina de Mariaga con Boffalòra, Molin de la Red, Morcius, Camp Longh, Bindella e Cagaratt, Castel Mart, Mariaga, Penzan con Vignarca, Cornen e Gallian, Preserp.
- Cort de Monza (patrònn: San Giovann Battista): Cassina di Gatt, Cològn, Moncucch, Monza, San Lissander, San Damian, San Giulian, Sest San Giovann, Villa San Fioran, Vimodron.