Wikipedia:Te 'l savevet che

Quest articol chì l'è scrivud in lombard, con la Noeuva Ortografia Lombarda

Te 'l savevet che a l'è una rubrica de la Wikipedia in lombard che la sta in la pagina principala. El so obietiv a l'è de mostrà di vos che inn interessant de lensger e insegnen di robe che inn no assee comun ai utent. Nassuda 'me evoluzzion del "Parlem un poo de nunch", gestida de la comunità e partida in del 2016 a l'è partida in la Vedrina, gestida de la comunità, e in del "Te 'l savevet che...", gestid de 'n quaj ministrador, soratut del Sciking. Del luj 2021 anca la comunità de la Wikipedia la gh'havarà la soa vos in la rubrica del "Te 'l savevet che..."

Regole

Carateristeghe

Una vos de la rubrica "Te 'l savevet che..." la gh'ha:

De vesser curiosa, o ben parlà de un tema interessant o poch cognossud, o ben vesser scrivuda propi ben, ma podé no entrà in vedrina
De vesser inscì longa de permeter de havégh una interuzzion del test e havégh del contegnud interessant dopo
De vesser minga controversa, de ligàss no a di noeuve de cronega che poden vessél e de havégh no de potenzial de fà reclam a 'n quajvun

A l'è ben che:

La gh'habia di font
La gh'habia di imagin
La sibia assee longa, inscì de dà 'na bona letura e 'na bona impression de la Wikipedia lombarda

Come insubì una vos

I ministrador poden, se troeuven una vos che pensen che la sibia bona, sgiontàlla a la lista senza nissuna burocrazzia. Se 'n alter utent l'è minga d'acordi, se po dervì una discussion e se catarà foeura el de fàss cont el consens.

I utent comun, inveci, gh'hann de insubìlla in la pagina, che la podarà vesser aprovada de 'n ministrador o per consens.

Come sgiontà una vos

A mità de ogni mes, o anca prima se gh'è propi tancc de vos de meter, un ministrador el darà 'n oggiada ai vos che inn in la lista e scernissarà di vos in bas a 'sti criteri chi:

Havégh un bon equilibri in tra i vos cont i imagin e senza
Havégh un bon equilibri in tra i vari dialet e grafie
Havégh un bon equilibri in tra i vari argoment che inn tratad

I vos vann sgiontade in di sotapagine del Template:Savevet e poeu besogna sgiontà in di pagine de discussion el template {{Telsavevet}} con scrivud el period de permanenza, che l'è de un mes (foeura che in di cas de ecezzion sgiamò vist). Una pagina la po minga tornà in la rubrica se l'è passad no un ann de la soa presenza, ma a l'è possibel che la comunità la faga 'n ecezzion.

Wikipedia:Te 'l savevet che

Contegnud

Regole

Carateristeghe

Come insubì una vos

Come sgiontà una vos

De meter

Candidade

Vos che gh'è stade

Vos corelade